Man Utd ndal Liverpool/ Përfiton Arsenal, topçinjtë qëndrojnë në krye pas javës 31

Manchester United barazon me Liverpoolin, por feston Arsenali i cili konfirmohet në krye të klasifikimit anglez me 71 pikë.

Topcinjtë më herët mposhtën Brightonin. Përballja e së dielës në teatrin e ëndrrave ishte një spektakël i vërtetë, por që në fund nuk prodhoi fitues, duke bërë që dy gjigantët e futbollit anglez të ndajnë pikët. Një lojë në të cilën miqtë nga Anfield e nisën më mirë, pasi Diaz kaloi në avantazh të tijët.

Në fraksionin e parë skuadra e udhëhequr nga Erik Ten Hag përmbysi gjithcka në favor me Fernandes që riktheu ekuilibrat e Mainoo që i përmbysi ato në 2-1.

6 minuta para fundit ishte Momo Salah ai që solli barazpeshën, ndërsa rezultati nuk ndryshoi deri në fund. Një hap fals për Liverpool që kishte shancin të merrte kreun, por renditet i dyti me 71 pikë, po aq sa Arsenali kryesues.

NË dy përballjet e tjera të së dielës, Chelsea barazoi me Sheffield dhe Tottenham fitoi ndaj Nottingham. Skuadra e Postecoglu luajti mirë ndaj ekipit që lufton për mbijetesën. Autogoli i Murillo kaloi në avantazh londinezët, ndërsa Wood barazoi në 1-1. Më tej Van de Ven e Pedro Porro vulosën fitoren, e cila është e 3ta në 5 javët e fundit, duke parakaluar Aston Villan në tabelë e ngjitur në vendin e katërt.

LEXONI GJITHASHTU: 

• Performanca e kuqezinjve në fundjavë Bajrami gol dhe assist ndaj Salernitanës
• Komisioni për sistemin TIMS, “Berisha” nxit debate mes Salianjit dhe Gogut