Gazetari Igli Çelmeta tha për “Good Morning Albanians” në Euronews Albania se nisma e re për të marrë ADN-në e të burgosurve e për të krijuar profilet gjenetike të tyre, ka për të dështuar.
Ai tha se vetë të burgosurit kanë të drejtë t’i drejtohen gjykatave për këtë çështje, ndërsa ka shtuar se sipas informacioneve të tij, kjo nismë është kundërshtuar nga personat të cilët po vuajnë dënimin.
Gjithashtu Çelmeta tha se kjo nismë po bëhet për të tërhequr vëmendjen nga situata nëpër burgje dhe nga ngjarja e rëndë e Peqinit.
“Një i burgosur mund ta kundërshtojë. Ai mund të thotë për çfarë vepre penale po akuzohem unë që më mëerret kampioni biologjik, për të ndërtuar profilin e ADN-së. Nga informacionet që kam unë, të burgosurit e kanë kundërshtuar, pritet që kjo nismë ka për të dështuar pasi ligjërisht nuk është e drejtë. Mua më duket një fasadë e autoriteteve shqiptare për të sfumuar të gjithë vëmendjen nga ngjarja e rëndë e ndodhur në burgun e Peqinit dhe nga mënyra se si po kontrollohen burgjet në vendin tonë. Është kaos total, personat që futen e dalin në burgje, nuk kontrollohen siç duhen. Për këtë arsye nxjerrin ndonjë nismë të re, për të bërë sikur po punojmë”,-tha gazetari Igli Çelmeta.
LEXONI GJITHASHTU:
- “100 mijë euro ose do ta vrasim”- 5 shqiptarë marrin peng një shtetas në Spanjë
- Amnistia/ Avokati: Të burgosurve nuk mund t’u merret ADN pa dëshirën e tyre
