Mbahet në Francë gjyqi ndaj Marine Le Pen, rrezikohet kariera e saj politike

Marine Le Pen, liderja e “Tubimit Kombëtar”, partisë së ekstremit të djathtë në Francë, po gjykohet në Paris për keqpërdorimin e fondeve të Parlamentit Evropian. Ajo dhe më shumë se 20 figura të tjera nga partia akuzohen për përdorimin e fondeve të BE për të paguar punonjës partiakë dhe jo për asistente që duhet të punonin për Parlamentin Evropian.

Nëse shpallet fajtore, Le Pen mund të dënohen me gjobë, burgim dhe një ndalim deri në 10 vjet nga postet publike, duke rrezikuar ambiciet e saj presidenciale.

Ajo mohon akuzat, duke thënë se nuk është e ndaluar që asistentët të mund të kontribuonin edhe në jetën e partisë.

Zëdhënësi i partisë, Laurent Jacobelli, theksoi se është legjitime që asistentët të marrin pjesë në jetën e partiake ndërkohë që shërbejnë si ndihmës parlamentarë.

Ata argumentojnë se financimi dhe praktikat e punës kanë ndjekur rregullat dhe nuk përbëjnë shpërdorim të fondeve.

Prokurorët po kërkojnë të rikuperojnë mbi 3 milionë euro të lidhura me këto pretendime për shpërdorim. Partia e Le Pen ka rikthyer tashmë 1 milion euro, por ka deklaruar se kjo nuk është një pranim faji.

Nëse shpallet fajtore, jo vetëm që karriera e saj politike do të rrezikohet, por gjithashtu mund të ndryshojë dinamikën brenda partisë dhe marrëdhëniet e saj me mbështetësit.

Nëse gjykata e dënon ajo do të humbasë mundësinë e kandidimit në zgjedhjet e vitit 2027.

LEXONI GJITHASHTU:

• Francë| Macron pret krerët e së majtës, bisedime edhe me Le Pen
• “Ringjallja” e Macron, pse dështuan sondazhet dhe nuk u arrit fitorja e Le Pen