Mbi 90 plumba në distancë të afërt, pamjet kur ekzekutohet mafiozi i rrezikshëm grek

Mediat greke kanë publikuar pamjet e vrasjes së mafizoit 44-vjeçar Vassilis Zampounis, i cili u ekzekutua në orët e para të së shtunës në Neos Kosmos.

44-vjeçari u ekzekutua me mbi 90 plumba kallashnikovi brenda makinës së tij të blinduar.

Siç shihet dhe nga pamjet e mëposhtme, 44-vjeçari është zënë në befasi spo ka hyrë në makinë.

Vetëm brenda 30 sekondash një makinë i është afruar nga e cila kanë zbritur dy persona të armatosur. Njër prej tyre është afruar menjëherë në xhamin e shoferit dhe ka zbrazur karikatorin e parë të kallashnikovit.

Më pas ai është tërhequr ka ndërruar karikator dhe ka vijuar duke qëlluar me breshëri. Në një moment për t’u siguruar që objektivi kishte ndërruar jetë, ai hap derën e makinës dhe e qëllon sërish.

Në mjet u gjetën armë, jelek antiplumb dhe një bidon me benzinë.

Zampounis njihet si kreu i një grupi që merret me gjobvënie, por edhe me vrasje me pagesë. Ai është ndaluar nga autoritetet, por ndaj tij nuk u gjetën asnjëherë prova, ndërsa në vitin 2018 atij iu bë një atentat në Pire.

Mafiozi i shpëtoi në atentatin e parë pasi njërit prej autorëve iu bllokua arma, ndërsa një polic i kishte dhënë ndihmën e parë në vendngjarje.

LEXONI GJITHASHTU:

• VIDEO/ U vra nga partneri i saj, përcillet në banesën e fundit 41-vjeçarja shqiptare
• I zunë pritë dhe e lidhën, si u vra 41-vjeçarja shqiptare nga burri dhe shoku i tij