Mblidhet Këshilli i Mandateve, Boçi: Plan i detajuar për eleminimin e demokracisë

Deputeti Luçiano Boçi ka mbajtur fjalën para protestuesve që janë mbledhur para Kuvendit për të protestuar ndërsa nga njëkohësisht po mbahet dhe mbledhja e Këshillit të Mandateve për të shqyrtuar kërkesën e SPAK për heqjen e imunitetit të Sali Berishës.

Në fjalën e tij ai tha se e gjitha që po ndodh është një plan i detajuar për të eleminuar demokracinë ndërsa ka bërë thirrje që protesta duhet të vijojë.

Boçi nënvizoi se duhet të shpëtojmë vendin nga krimi.

“Ju jeni besimi e shpresa, ndërsa ata që janë aty që duan të votojnë imunitetin e Berishës nuk janë gjë tjetër veçse kukullat e Edi Ramës i kapur nga korrupsioni. Ajo që po ndodh atje nuk është as rastësi  politike nuk është as gabim i SPAK, por as drejtësi. Është një plan i detajuar për  të eleminuar demokracinë dhe për t’i shtruar qilimin e kuq sundimit të Edi Ramës. Po vijmë për Sali Berishën sepse duke qenë me Sali Berishën unë jam për të ardhmen time. Të vazhdojmë të protestojmë se vetëm kështu mund të shpëtojmë këtë vend nga ky krim”-tha ai.

LEXONI GJITHASHTU: 

• “S’ka bazë ligjore”- Socialistët rrëzojnë kërkesën e avokatëve të Berishës në Kuvend
• Deputeti gjerman godet Vuçiç: Po kërkon të destabilizojë gjithë rajonin e Ballkanit