“S’ka bazë ligjore”- Socialistët rrëzojnë kërkesën e avokatëve të Berishës në Kuvend

Mbrojtja e ish-kryeministrit Sali Berisha ka kërkuar në Këshillin e Mandateve dhe Imunitetit pezullimin e seancës ku po shqyrtohet kërkesa e SPAK.

Avokati Genc Gjokutaj kërkoi që të shtyhet mbledhja deri në shprehjen e Gjykatës Kushtetuese për masat e sigurisë të dhëna ndaj ish-kryeministrit Sali Berisha, në lidhje me nenin 73.

Kërkesa u rrëzua nga socialistët, duke thënë se nuk ka asnjë bazë ligjore, pasi Rithemelimi ka çuar në Kushtetuese kërkesat për masat e sigurisë dhe jo procedurën parlamentare.

Gjithashtu PS theksoi se në Kushtetuese janë çuara masat e sigurisë të vjetra, por jo kërkesa e re e SPAK për arrestin.

“Nuk ka asnjë bazë proceduriale për të kërkuar pezullimin, Në kërkesën tuaj ju po të ishit të interesuar mund të kërkonit në Gjykatën Kushtetuese gjënë që po na kërkoni ne. Ju keni kërkuar pezullimin e masave shtrënguese, apo ndonjë mase të mundshme, por nuk keni kërkuar pezullimin e procedurave parlamentare. Kështu që për mendimin tonë nuk ka asnjë kusht ligjor, por edhe asnjë arsye ta pezolullojmë. Të vazhdojmë procesin me dëgjimin e dy palëve të interesuara”, tha kreu i grupit parlamentar Bledi Çuçi.

Edhe Kryetarja e Kuvendit u shpreh se mbledhja duhet të vijojë, pasi kërkesa e Rithemelimit nuk ka bazë ligjore dhe proceduriale.

“Është nëj kërkesë që s’ka bazë ligjore dhe vijojmë me proicedurën”, tha Nikolla.

Kërkesa u hodh në votim dhe u rrëzua me 6 vota kundër.

LEXONI GJITHASHTU:

• Kërkesa e SPAK për arrest në burg apo arrest shtëpie për Berishën? Përgjigjet Kraja
• “A ka tentuar të prishë provat”- Avokatët e Berishës përplasen me Krajën
• Këshilli i Mandateve, Berisha refuzon të shkojë: Nuk pranoj poshtërim publik