Sot në orën 09:00 u mblodh Komisioni i Ligjeve për zgjedhjen e presidentit të ri, ku është konstatuar se nuk ka asnjë kandidaturë për këtë proces.
“Raundi i parë konsiderohet i kryer pa votim”, u shpreh Klotilda Bushka, kryetare e Komisionit.
Ndërsa deputeti Enkelejd Alibeaj deklaroi se ky proces dhe të zhvillohet me konsensus.
“Duhet një president i gjithë-pranuar. Ky proces duhet të zhvillohet në bazë konsensuale. Ky është dështim që qëndron mbi supet e socialistëve”, tha Alibeaj.
Pasdite e sotme në orën 17.00, Kuvendi i Shqipërisë ka planifikuar raundin e parë të votimit për presidentin, por procesi do të jetë pa sukses.
Kreu i grupit parlamentar të PS-së, Taulant Balla pas takimit me Mesila Dodën dhe Fatmir Mediun të premten, u shpreh se janë vendosur piketa për zgjedhjen e presidentit të ri, por ende nuk ka një emër konkret.
LEXONI GJITHASHTU:
- ‘Digjet’ raundi i parë për presidentin
- Procesi për zgjedhjen e presidentit duhet të jetë gjithëpërfshirës, sipas OSBE
