Edhe pse ka kaluar 1 muaj nga mbytja në det e 40-vjeçarit Aurel Ndoni, trupi i tij ende nuk është gjetur.

Ngjarja e rëndë ndodhi në Porto Romano rreth orës 17:15, të datës 25 shkurt, kur Ndoni ishte duke peshkuar bashkë me vëllain e tij dhe një person tjetër.

Kërkimet në det nga ana e shërbimeve të Policisë Kufitare, Policisë së Durrësit dhe polumbarëve të RENEA-s nuk kanë pasur rezultat pozitiv dhe për këtë arsye tashmë ato janë ndërprerë.

Sipas policisë, dyshohet se 40-vjeçari ka rrëshqitur nga varka dhe ka rënë në ujë pasditen e 25 shkurtit.

Dyshohet se trupi i 40-vjeçarit është tërhequr nga rryma dhe nuk ka mundur të dalë nga deti.

Një grup i posaçëm hetimor i ngritur për rastin, po kryen hetimet për të zbardhur rrethanat, ku pistat e hetimit janë shtrirë edhe në ndonjë konflikt të mundshëm ose vrasje.

Gjetja e trupit do të bënte të mundur verifikime përkatëse për shenja të mundshme dhune ose jo, prandaj deri më tani asnjëra prej pistave nuk është konfirmuar.

Familjarët bëjnë me dije se ata kanë paguar një grup privat polumbarësh për të bërë të mundur gjetjen e trupit.

Mësohet se një anije holandeze, e specializuar për të dedektuar trupat në ujë, do të nisë kërkimet në zonë, me shpresën se do të arrijë të lokalizojë trupin e 40-vjeçarit.

LEXONI GJITHASHTU:

• Shkoi të hidhte mbeturinat në lumë, rrëshket dhe mbytet i moshuari
• “Ish- i dashuri më ngacmon motrën”| Zbardhet plagosja në Shijak, si nisi konflikti