Mbylli gruan në banesën e monitoruar me kamera, arrestohet 34-vjeçari në Tiranë

Policia e Tiranës ka arrestuar 34-vjeçarin Asqeri Mandri, pasi mbante të mbyllur në banesë nën monitorimin e kamerave bashkëshorten e tij.

Policia bën me dije se 34-vjeçari ka ushtruar dhe dhune fizike dhe psikologjike ndaj gruas së tij.

Materialet procedurale në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshën Tiranë, për veprime të mëtejshme

Kujtojmë se vetëm pak ditë më para u evidentua një rast i ngjashëm, ku 35-vjeçari Jetnor Zhaboli mbante të ngujuara bashkëshorten, nënën dhe dy fëmijët e mitur, nën një monitoruim të rreptë të kamerave.

Madje ai kishte shkuar deri aty sa kishte instaluar dhe bllokues valësh në banesë në mënyrë që bashkëshortja dhe e ëma të mos komunikonin me persona nga jashtë.

NJOFTIMI I POLICISË

Falë reagimit në kohë të shërbimeve të Komisariatit të Policisë Nr. 3, parandalohet një ngjarje e mundshme kriminale, në një familje.

Shërbimet e Komisariatit të Policisë Nr. 3, pas informacionit të marrë se një shtetas kishte ushtruar dhunë ndaj bashkëshortes së tij, si dhe e mbante të mbyllur atë, në monitorimin e kamerave që i kishte instaluar brenda në banesë, menjëherë kanë organizuar punën për dokumentimin e plotë ligjor të rastit dhe vënien e autorit të dyshuar, përpara përgjegjësisë penale.

Si rezultat, falë reagimit në kohë të shërbimeve të Komisariatit të Policisë Nr. 3 u arrestua shtetasi A. M., 34 vjeç, banues në Kodër Institut.

Nga veprimet hetimore të kryera ka rezultuar se 34-vjeçari ka ushtruar dhunë ndaj bashkëshortes së tij, të cilën e mbante të mbyllur në banesën e tyre ku kishte montuar kamera për të monitoruar lëvizjet e saj.

LEXONI GJITHASHTU:

• Kishte montuar kamera në tualet, si 35-vjeçari mbante të mbyllura gruan e fëmijët
• Iu bllokonte valët e telefonit, kush është i riu që mbante të mbyllura nënën e gruan