“Me leverdi”, Sulaj: Një teknolog paguan pak për studimet dhe merr rrogë të lartë

15 mijë lek të reja kushtojnë studimet në Universitetin Bujqësor për teknolog, ndërsa pagesat në tregun e punës janë mbi 80 mijë lekë.

Kështu bëri me dije profesor Kapllan Sulaj në një intervistë për “Good morning Albanians” në Euronews Albania.

Sipas tij teknologët janë shumë të rëndësishëm kur marrim parasysh sa i nevojshëm është kontrolli ushqimor në një kohë kur obeziteti sa vjen e bëhet më shqetësues dhe shqiptarët sa vijnë e ushqehen më keq.

“Unë me informacionet që kam fillojnë diku te 80 mijë lekë të reja, për 6 muaj fillon rritja e pagës dhe personi testohet. Jashtë mund të jetë mbi 1500 euro pagesa, por nuk kam informacion të saktë. Kjo është diplomë e shkencave të ushqimit dhe nutricionit dhe ne kemi të vetmen diplomë në vend, në universitetet publike dhe private që ofrojmë këtë mundësi,” – u shpreh Sulaj.

LEXONI GJITHASHTU:

• Sulaj: Diplomat shqiptare dhe italiane për Teknologji Ushqimore punojnë kudo në botë
• “Sheqeri mund t’ju shkaktojë ngërç në det”, Nutricionistja: Shmangini këto ushqime