Sulaj: Diplomat shqiptare dhe italiane për Teknologji Ushqimore punojnë kudo në botë

Siguria ushqimore është një temë shumë e rëndësishme sepse prek drejtpërdrejt shëndetin tonë.

Ajo që vihet re është fakti që ekspertët e mirëfilltë ushqimorë duket se nuk janë edhe aq të shumtë, për të mos thënë që ka mungesa.

Profesor Kapllan Sulaj shpjegoi se pse është shumë e rëndësishme që të rinjtë të studiojnë në fushën e Bioteknologjisë dhe Ushqimit. Siç shpjegoi ai, diplomat shqiptare dhe italiane për Teknologji Ushqimore punojnë kudo në botë.

“Kjo është një degë e kërkuar. Ne i mbushim kuotat për çdo vit dhe unë dua të theksoj që këtë vit akademik ofrojmë një mundësi të re. Jemi në fazën e vitit të tretë të implementimit të një diplome që quhet diploma duale me një universitet në Itali, e cila do t’i mundësojë studentëve tanë të pajisjen me diplomë shqiptare dhe italiane në të njëjtën kohë, në 3 vite studimi bachelor. Ajo që synojmë ne është që të marrim studentë sa më cilësorë për faktin se dhe procesi i ndërkombëtarizimit na ka ofruar një mundësi të re, por dhe për faktin se studentët që shkëmbehen në këtë lloj nisme të shërbimit akademik të jenë sa më cilësorë,” – u shpreh Sulaj.

LEXONI GJITHASHTU:

• “Sheqeri mund t’ju shkaktojë ngërç në det”, Nutricionistja: Shmangini këto ushqime
• Helmohen 12 turistët në Shëngjin/ Flet drejtori i AKU: Nuk ka ndodhur nga ushqimi