Më shumë se 28,000 rusë janë vrarë që nga fillimi i luftës, sipas Ukrainës

Rreth 28.300 ushtarë rusë janë vrarë në Ukrainë që nga fillimi i pushtimit rus në shkallë të plotë, sipas Shtabit të Përgjithshëm të Forcave të Armatosura të Ukrainës.

Deklaratën, Shtabi e bëri në faqen zyrtare në Facebook të mërkurën, ku shtoi se gjatë ditës së kaluar Rusia ka humbur rreth 400 ushtarakë.

Shtabi i Përgjithshëm bëri me dije në njoftimin e tij të përditshëm se Rusia gjithashtu ka pësuar humbje të konsiderueshme në mjete.

Përllogaritja me përafërsi të Shtabit për humbjet e Rusisë në mjete lufte:

• 1251 tanke
• 3043 mjete të blinduara
• 586 sisteme artilerie
• 199 sisteme raketash
• 91 sisteme të mbrojtjes ajrore
• 202 avionë luftarakë
• 167 helikopterë
• 2,137 kamionë dhe cisterna karburanti
• 13 luftanije dhe varka
• 102 raketa lundrimi
• 441 dronë
• 43 pajisje speciale

Më 24 maj bëhen tre muaj që prej nisjes së sulmeve ruse në Ukrainë, e cila la mijëra të vdekur, mes tyre civilë e fëmijë, ndërsa shkatërroi disa qytete.

LEXONI GJITHASHTU:

• Çfarë ka ndodhur në 24 orët e fundit në Ukrainë?