Medalje argjendi për Shqipërinë: Valiev i dyti në botëror, u ndesh i dëmtuar

Mundja shqiptare regjistroi një tjetër sukses, këtë herë në botërori ne mbajtur në Kroaci, aty ku Chermen Valiev ngriti lart flamurin kuqezi, ndërsa arriti të fitojë medalje argjendi. Mundësi ynë ishte shumë pranë medaljes së arit, por për shkak dëmtimi performanca e tij në finale nuk ishte ajo e pritura. Dueli me japonezi Kota Takahashi u mbyll me rezultatin 8-2 në favor të këtij të fundit, i cili u shpall kampion për peshën 74kg.

Në pamjet e publikuara më pas, në momentin kur Valiev rrëmbeu medaljen u pa shkalla e tij e dëmtimit, ku u konfirmua se mundësi luftoi gjatë gjithë duelit me këmbën që i jepte dhiumbje si pasojë e dëmtimit. Ai u pa i fashur teksa shkonte në podium, ndërsa më pas u dërgua për trajtim të specializuar në spital. Një moment që tregoi dëshirën e madhe, por dhe sakrificën e Valiev për të ngritur lart flamurin shqiptar, por dhe veten në kampionatin botëror të mundjes.

Kujtojmë që edhe më herët Valiev ka pasur performanca të jashtëzakonshme, ndërsa ka triumfuar në kampionatin evropian, por fitoi dhe medaljen historike për Shqipërinë në lojërat olimpike.

LEXONI GJITHASHTU:

• Valiev nuk e realizon ëndrrën e artë, mposhtet në finalen e Botërorit nga Takahashi
• “Tradhtar”- Mundësi Valiev reagon për incidentin me Mamiashvili: S’i detyrohem asgjë