Mediu në SPAK, kërkon ripërsëritje të pjesshme të aktekspertimit për Gërdecin

Ish-ministri i Mbrojtjes Famir Mediu është paraqitur mëngjesin e së mërkurës në SPAK për seancën e radhës ku pritet të dëgjohen ekspertët.

5 ekspertët ekspertët që kanë hartuar analizën ekonomiko-financiare për Gërdecin i janë përgjigjur 35 pyetjeve që i janë drejtuar nga prokuroret e SPAK dhe avokatët e Mediut.

Mediu i kërkoi Gjykatës së Posaçme të ripërsërisë pjesërisht akt- ekspertimin e dëmit ekonomiko financiar të çështjes “Gërdeci”.

Sipas avokatëve të Mediut, ekspertët nuk kanë marrë parasysh një shkresë të kombinatit mekanik të Poliçanit të vitit 2007, ku përllogariten kostot e demontimit të municioneve, duke i konsideruar të dhënat e saj të falsifikuara.

Avokati Henrik Ligori i tha gjykatës se mbi dyshimet për falsifikim janë kallëzuar penalisht tre zyrtarë të kombinatit, por më pas Gjykata e Beratit, ajo e Apelit Vlorë dhe Gjykata e Lartë kanë pushuar akuzën ndaj tyre.

Në këto kushte, tha avokati Ligori, të dhënat e shkresës në fjalë kanë qenë të sakta.

Në vijim, avokati i kërkoi gjykatës të marrë në cilësinë e provës tre vendimet gjyqësore dhe të urdhërojë kryerjen e një akt-ekspertimi të ri të pjesshëm.

Mediu po gjykohet në GJKKO për çështjen “Gërdeci” për dy akuza atë të “shpërdorimit të detyrës” dhe “shpërdorim i detyrës në bashkëpunim me subjekt ushtarak-kuadër komandues”.

Nga shpërthimi në fabrikën e demontimit të armëve në Gërdec në vitin 2008, humbën jetën 26 persona dhe u plagosën disa të tjerë.

LEXONI GJITHASHTU:

• Gërdeci| Shtyhet seanca në Gjykatën e Posaçme për ish-ministrin Fatmir Mediu
• ‘Gërdeci”| Nis seanca gjyqësore ndaj Fatmir Mediut, kush janë të pranishëm në sallë