Mehdi Malkaj apel qytetarëve nga protesta: Të qëndrojmë në këmbë dhe të reagojmë

Aktori i njohur shqiptar Mehdi Malkaj ka mbajtur një fjalim me tone emocionale gjatë një proteste qytetare, duke u bërë thirrje qytetarëve që t’i bashkohen tubimit dhe të reagojnë ndaj qeverisë.

Mes duartrokitjeve të pjesëmarrësve, Malkaj iu drejtua qytetarëve kudo që ndodhen, duke theksuar nevojën për solidaritet dhe angazhim qytetar.

“O njerëz, kudo që jeni, ejani këtu sepse këtu ka dashuri pa hesap. Më tha dikush kur ishte muhabeti i teatrit që Rama e ka ndarë mendjen ta prishë, i thashë: përse nuk e ndan edhe ti mendjen të mos e prishë. Nëse ai e ka ndarë mendjen se do rrijë ende, mjerë ai. Populli është fshirë barkaz dhe mbi kurrizin e tyre kanë fshirë qelbsirllëqet pushtetarët, ndaj duhet të qëndrojmë në këmbë e të fshijmë ne këpucët në kurrizin e tyre”, u shpreh ai.

Fjalimi i aktorit u prit me reagime nga protestuesit e pranishëm, ndërsa ai përsëriti thirrjen për pjesëmarrje dhe mobilizim qytetar. Protesta u zhvillua në kuadër të kundërshtimeve ndaj politikave të qeverisë dhe kërkesave për ndryshim.