Memaj sqaron arsyet: Bileta e urbanit mund të shkojë deri në 70 lekë

Dashnor Memaj, kreu i Shoqatës së Transportit Urban tha në një intervistë për “Goodmorning Albanians” në Euronews Albania se ekziston mundësia që bileta e urbanëve nga 40 lekë që është sot të shkojë në 60-70 lekë.

Ai tha se kanë një analizë sa shkon kostoja e transportit, por kurrë nuk janë ulur me institucionet për të folur për sa fitojnë në raport me kostot që shpenzon ky sektor.

“Njohja e patentës direkt në vendet e Bashkimit Europian siç është Gjermania ka ndikuar dhe nxitja ka ardhur pasi shoferët kanë parë njëri-tjetrin, ik njëri merr tjetrin. Nëse ne para 4-5 vitesh kishim 10 kërkesa sot për 10 vende pune mund të vijë vetëm një aplikim,” – u shpreh Memaj.

Sipas tij, diçka e tillë vjen vetëm si pasojë e pamundësisë financiare për të rritur pagat.

LEXONI GJITHASHTU:

• “Duhen rreth 600 shoferë urbanësh”, Memaj: Vështirë të përshtaten të huajt
• Shoferë dhe faturino të huajë? Shoqata e Transportit Urban ngre alarmin