Menaxhimi i amfiteatrit të Durrësit, Zhupa: Plani parashikon koncesion 15 vjeçar

Deputetja demokrate, Ina Zhupa ka reaguar sërish në lidhje me planin e menaxhimit të amfiteatrit të Durrësit.

Përmes një deklarate nga qyteti i Durrësit, Zhupa deklaroi se zona të gjitha arkeologjike, duke nisur nga Amfiteatri i Durrësit, banjat romake dhe forumi bizantin parashikohet që në planin e ri të Ministrisë së Kulturës që të jepen me koncesion.

“Ne kemi bërë një betejë për trashëgiminë kulturore, duke u nisur që nga koncensioni i Butrintit, por mesa duket ai nuk do të jetë koncensioni i vetëm.  Por mesa duket ai nuk do të jetë koncesioni i vetëm. Kjo perlë, Amfiteatri i Durrësit banjat romake, forumi bizantin parashikohen në planin e ri të menaxhimit të Ministrisë së Kulturës bashkë më ADF-n të jepen më koncesion.

Me siguri përfituesi do të jetë i njëjtë më Butrintin por, edhe në qoftë i ndryshëm parimi është i njëllojtë, do ti jepet një privati”- tha Zhupa.

Deputetja Zhupa tha se edhe plani për zhvendosjen e banorëve që kanë shtëpitë e tyre pranë objekteve arkeologjike nuk ka transparencë dhe banorët nuk kanë marrë asnjë informacion.

LEXONI GJITHASHTU: 

• Turizmi kulturor, Amfiteatri i Durrësit 7 mijë vizitorë më shumë se në vitin 2021
• Amfiteatri Durrësit me koncesion? Fondacioni publikon planin e menaxhimit