Kristaq Kume, ish-kreu i Komisionit Qendror të Zgjedhjeve tha në një intervistë për Euronews Albania se duhet pritur nesër për të kuptuar vendimin e Celibashit në lidhje me regjistrimin e partive politike, përfshirë dhe PD-në.

Sipas tij, duhet parë nëse kreu aktual i KQZ-së do t’i japë titullin si subjekt zgjedhor Partisë Demokratike të udhëhequr nga Berisha, apo Partisë Demokratike të Shqipërisë të udhëhequr nga Lulzim Basha dhe i ngarkuar në administrimin e gjithë punëve të saj, Enkelejd Alibeaj.

“Berisha ka paraqitur edhe ky kërkesën për t’u regjistruar si subjekt zgjedhor, tashmë Partia Demokratike, në dokumente siç dihet të kësaj kërkese, ka përfshirë vendimin e marrë nga Zhukri dhe duke iu referuar gjithmonë këtij vendimi, korrespondenca me KQZ-në është bërë duke pasur parasysh ndryshimet që janë parashikuar dhe janë vendosur në 11 dhjetor të vitit të kaluar,” – u shpreh Kume.

LEXONI GJITHASHTU:

• Zgjedhjet e 14 majit, aleati i shkon në zyrë Sali Berishës
• Rithemelimi refuzon ftesën e Alibeajt, Paloka: Do vulën nga Rama, votat nga Berisha