Meta: Pagat te fqinjët kanë shkuar në 800 €, ne kemi ngecur në 520 €

Në konferencën me gazetarët, një vëmendje të veçantë Ilir Meta ia kushtoi ekonomisë.

Kryetari i Partisë së Lirisë akuzoi qeverinë për mungesë vullneti në nxitjen e rritjes së pagave në Shqipëri, në kushtet që vendet e rajonit kanë bërë rritje të ardhurash të ndjeshme.

“Në 3 vitet e fundit, gjithë vendet e rajonit i kanë çuar pagat mesatare bruto në nivelin 800-900 euro, ndërsa Shqipëria e ka vetëm 520 euro. Në 3 vitet e fundit Shqipëria e ka rritur pagën mesatare bruto me vetëm 84 euro, dhe duke bërë që shqiptarët të paguhen 40% më pak se serbët, boshnjakët, malazezët, maqedonasit e se qytetaret e Kosovës”, u shpreh ai.

Gjatë kësaj konference komentoi edhe situatën e përmbytjeve në vend, ku theksoi se Shkodra është nën ujë për shkak të keqmenaxhimit të kaskadës.

“Problematika me të cilën ne po përballen qytetaret e Shkodrës është hapja në mënyrë të pakontrolluar e portave të kaskadës së Drinit, pasi sasia shume e larte e ujit te shkarkuar është e papërballueshme për sistemin e kanalizimeve”, deklaroi Meta.

Në lidhje me audio regjistrimin e publikuar për 21 janarin, Meta tha se nuk është gjë tjetër veçse inskenimi i radhës nga Partia Socialiste.

LEXONI GJITHASHTU

• 21 janari! Shokon xhaxhai Aleks Nikës: Dëgjova përgjimin, u tha “qëlloni në mish”
• Nard Ndoka zbulon takimin me Aleks Nikën në 21 janar: E njoh edhe xhaxhain e tij
• “Duhen prokurorë trima”- Xhaxhai i Aleks Nikës: Çështja varroset, po nuk e mori SPAK