Ministria e Mbrojtjes: Është reduktuar ndjeshëm sipërfaqja e tokës nën ujë

Ministria e Mbrojtjes njofton se ka një përmirësisim të situatës nga reshjet, ku ka një reduktim të sipërfaqes së tokës së përmbytur.

Njoftimi i ministrisë:

Ndërprerja e reshjeve në orët e fundit ka sjellë tërheqje të ujit në sipërfaqet e përmbytura duke reduktuar ndjeshëm edhe sipërfaqen e tokës nën ujë.

Në Bashkinë Shkodër

Sipërfaqe toke me prezencë uji ka mbetur 1130 ha tokë, ndërsa vijon tërheqja. Nuk ka banesa me prani uji. Mbeten ende edhe 7 familje të evakuuara nga 52 që ishin ditën e parë. 24 anëtarët e këtyre familjeve janë strehuar në konvikt. Lumenjtë Drin dhe Buna janë brenda nivelit kritik dhe nuk paraqesin asnjë rrezik.

Në Bashkinë Lezhë

Mbeten 4 banesa me prezencë uji, ndërsa sipërfaqja e përmbytur është 2350 ha. Hidrovoret po punojnë me kapacitet të plotë dhe pa ndërprerje. Konkretisht në Drojë, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuotën kritike dhe hidrovori Balldre brenda normave.

Punonjësit e OSHEE po punojnë për të rikthyer energjinë, pas shkëputjes si pasojë e motit të keq në disa zona të Gjirokastrës, Shkodrës dhe Kukësit.

Prej datës 20 nëntor kur nisën reshjet intensive, janë akativizuar në terren:
1. 710 Forca të Armatosura
2. 605 Forca Zjarrfikëse
3. 454 Forca nga Policia Shtetit
4. 345 Forca Vullnetare
5. 146 Forca të FNSH
6. Ekipet e Shërbimit Mjekësor
7. 165 mjete të kalueshmërisë së lartë dhe zjarrfikëse
8. Varka dhe motorbarka

Forcat e Armatosura, nën koordinimin e Agjencisë së Mbrojtjes Civile mbeten të gatshme të bashkëpunojnë me pushtetin vendor në çdo rast nevoje.

LEXONI GJITHASHTU:

• Reduktohet sipërfaqja e përmbytur në Shkodër
• Pak para për të parandaluar përmbytjet, fondi i Ministrisë së Bujqësisë
• Përmbytjet, 9 deputetë të PD-së kërkojnë interpelancë urgjente me Ramën