Ministrja Krifca: Mbështetje financiare për fermerët dhe blegtorët

Ministrja e Bujqësisë, Frida Krifca u shpreh në një intervistë për Euronews Albania se qeveria gjatë 2022 ka mbështetur financiarisht fermerët dhe blegtorët.

“Ndikimi për fermerët ka qenë i lartë për shkak të pasojave të luftës. Çfarë bëmë ne? Ishte që nëpërmjet një politke që i ka ndenjur mbi kokë ecurisë së përditshme, ne kemi mundësuar një mbështetje financiare më të lartën të vënë në dispozicion ndonjëherë. Aktualisht ka kaluar një akt normativ që është shtuar një buxhet për blegtorët 200 mln”, u shpreh ministrja.

Ajo shtoi më tej se kanë stimuluar edhe prodhimin e grurit tek fermerët nëpërmjet mbështetjes financiare.

Sipas ministres aktualisht nuk ka asnjë krizë në asnjë kulturë bujqësore.

“Ne bëmë disa lëvizje të rëndësishme që ishte nëpërmjet marrëveshjes së Ballkanit të Hapur, nëpërmjet marrëveshjes me Serbinë dhe RMV, ne vendosëm që për këto tregje, nuk do të mbyllte kufijtë për asnjë shtet. Serbia është një ndër prodhuesit kryesor të grurit në botë”, u shpreh ajo.

LEXONI GJITHASHTU:

• Ish-presidenti kroat i shkon në zyrë Berishës: Sulmi ishte i organizuar
• Trupat ruse kryejnë stërvitje taktike në Bjellorusi