Mjekja: Disa njerëz hanë gjithçka por nuk shëndoshen, është gjenetike

Ka enzima që rrisin ritmin e metabolizmit dhe ndikojnë te fakti që disa njerëz marrin peshë më lehtë se disa të tjerë. Ishte kjo deklarata e endokrinologes Adela Haxhiraj për “Goodmorning Albanians” në Euronews Albania.

Sipas saj është gjenetike që disa njerëz mund të konsumojnë gjithçka, por nuk shëndoshen.

“Megjithatë mos të harrojmë që është dhe sa i sjellim trupit energji, kështu që edhe ky është një element i rëndësishëm, që do të thotë sa ritme të jashtme japim dhe sa mundësi kemi t’i djegim përtej ritmit bazal. Ka rëndësi që edhe prurjet e jashtme, kaloritë që ne marrim, ato që djegim kanë rëndësi, por sigurisht pjesa gjenetike mes tyre dhe enzima, kanë një tendencë që sa më shumë të jenë të shprehura në qelizat tona aq më tepër këtë energji e kthejnë në benefite,” – u shpreh Haxhiraj.

LEXONI GJITHASHTU:

• Biznesmeni amerikan: Bashkëpunim i shëndoshë me politikanët, por jo kompromise
• 4 fëmijë mbijetuan 16 ditë në xhungël pas rrëzimit të avionit në Kolumbi