Mjeku: 13-vjeçari u shërua nga kanceri i trurit pa operacion, rasti i parë në botë

Neurokirurgu Kita Sallabanda ka zbuluar rastin e shërimit të një 13-vjeçari që vuante nga kanceri i trurit, i cili është një rast i veçantë.

Komentet Sallabanda i bëri në emisionin “Good Morning Albanians” në Euronews, ku tha se shërimi i 13-vjeçarit përmes një medikamenti nuk është zgjidhja definitive për këtë sëmundje.

Ai tha gjithashtu, se mjekësia ka përparuar shumë në trajtimin e disa llojeve të sëmundjeve, të cilat konsiderohen si vdekjeprurëse dhe të pashërueshme.

“Është një patologji jo e rrallë te fëmijët, por patologji shumë agresive. Në të njëjtën kohë me këtë fëmijë kanë qenë edhe 7 fëmijë të tjerë, të cilët janë futur në atë që quhet një kërkim shkencor, për përdorimin e një medikamenti.

Një medikament që merret nga goja për trajtimin e kësaj sëmundjeje. Ne deri më tani e kemi trajtuar me radioterapi këtë sëmundje dhe kemi arritur ta ngadalësojmë, por jo ta shërojmë. Unë dua të jem realist, sepse jam specialist. A është kjo zgjidhja definitive e kësaj sëmundjeje? Jo, sepse nga 8 të sëmurët, vetëm ky djali është shëruar, të tjerët janë në fazën e shikimit të sëmundjes.

E dyta është pyetja nëse a do të kthehet kjo sëmundje pas 2-3 viteve. Mjekësia ka ndryshuar shumë, sepse po bëhen investime shumë të mëdha, sidomos në trajtimin e kancerit. Prandaj përdorimi i këtyre medikamenteve, neve po luftojmë shumë dhe kemi arritur rezultate të mëdha”, tha Sallabanda.

LEXONI GJITHASHTU:

• U diagnostikua me kancer, Sekretari amerikan i Mbrojtjes anulon udhëtimin në Bruksel
• Alarmi i mjekut: Nuk trajtohet kanceri me lëng karotash, mjaltë apo me bimë…