Mjeku: Pas vdekjes së 3-vjeçarit dhe ne anestezistët kemi patur më shumë presion

Anestezisti Bensar Shuteriqi, i cili asistoi në operacionin e djalit me sindromën FEHIG tha në “Good Morning Albanians”, se ky rast u erdhi pas ngjarjes tragjike ku djali 3-vjeçar humbi jetën si pasojë e anestezistë.

Mjeku tha se patjetër të merrje një rast aq të komplikuar në atë situatë kishte presionin e vet, por familjarët e djalit si dhe kolegët, treguan besim maksimal te stafi mjekësor i cili u kujdes për ndërhyrjen kirurgjikale.

“Vendimmarrja apo hyrja e këtij rasti vinte pas një rasti që u bë edhe mediatik, ideja që ne nuk dimë nga aspekti i asaj por u bazuam te protokolli dhe te shkenca. Ti nuk e ke në dorë fatalitetin. Ti nuk mund të parashikosh vullkanin, apo avionin që do të bjerë.

E njëjta gjë është edhe me anestezinë. Kjo ka qenë një sipërmarrje në këtë situatë e cila ishte pak e frikshme dhe normalisht kishte edhe presion. Por mbështetja ishte shumë e madhe si nga prindërit dhe nga kolegët. Kanë pasur shumë besim”,-tha mjeku.

LEXONI GJITHASHTU:

• “Operuam fëmijën 6-vjeç me sindromën FHEIG”, mjeku: S’ishte bërë kurrë ky operacion
• Gjendet e groposur një pjesë trupi njeriu në Konispol, nisin hetimet