“Monumentet e dëmtuara gjatë Luftës së Dytë Botërore”, hapet ekspozita në Tiranë

Në kuadër të 80-vjetorit të çlirimit të Shqipërisë, Instituti Kombëtar i Trashëgimisë Kulturore organizoi ekspozitën “Monumentet e Dëmtuara gjatë Luftës së Dytë Botërore”.

Qëllimi i kësaj ekspozite ishte të rikujtojë dhe të prezantojë objektet e dëmtuara gjatë Luftës së Dytë Botërore në Shqipëri, përmes një koleksioni të vlerësuar të materialeve grafike dhe dokumenteve arkivore, të cilat janë të rëndësishme për historinë e vendit tonë.

Në këtë ekspozitë u paraqitën disa materiale dokumentare dhe fotografike që dëshmonin dëmet e pësuara nga objektet e kultit, si rezultat i luftimeve.

Në mesin e materialeve të përzgjedhura, gjendeshin:

• Foto të xhamisë së Et’hem Beut, viti 1944
• Foto të xhamisë së Bargjinit në vitin 1944
• Lista e objekteve të kultit të dëmtuara gjatë Luftës së Dytë Botërore, viti 1944 etj.

Instituti Kombëtar i Trashëgimisë Kulturore për realizimin e kësaj ekspozite, bashkëpunoi me Drejtorinë e Përgjithshme të Arkivit Shtetëror e cila kontribuoi në mbledhjen e materialeve arkivore, si dhe me ekspertë të fushës që morën pjesë në këtë ekspozitë për të ndarë përvojën e tyre disa-vjeçare mbi historikun e Monumenteve të Kulturës në Shqipëri