Morën peng të miturin në aksin Fushë Krujë-Vorë, 2 të arrestuar, 2 në kërkim

Policia ka arrestuar 2 persona si dhe ka identifikuar dhe shpallur në kërkim 2 të tjerë lidhur me ngjarjen e ndodhur rreth 2 muaj më parë në aksin Fushë Krujë-Vorë ku u mor peng një i mitur.

Në pranga u vunë shtetasit E. K., 33 vjeç dhe D. K., 22 vjeç, të dy banues në Krujë. Si dhe u shpallën në kërkim shtetasit E. K. dhe A. Z.

Gjatë hetimeve rezultoi se dy të arrestuarit, pas një konflikti për motive të dobëta, i kanë hequr lirinë një shtetasi të mitur.

Më tej, pas kallëzimit, shtetasit E. K. dhe A. Z. (në kërkim), kanë goditur me grushte shtetasin e mitur, si edhe një 22-vjeçar dhe një 36-vjeçar (të cilët e shoqëronin të miturin), me qëllim që ata të tërhiqnin kallëzimin.

Punohet për kapjen e shtetasve të shpallur në kërkim dhe dokumentimin e plotë të ngjarjes.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Goditet rrjeti i prostitucionit në Durrës, arrestohen 3 kineze dhe organizatori
• Vodhën një mjet bujqësor në fshatin Panaja të Vlorës, arrestohen dy autorët