“Mos kini frikë, çështja në GJK”- Bardhi përplaset me Sinaj: Ke kërcënuar deputetët!

Vullnet Sinaj dhe kreu i Grupit të PD, Gazment Bardhi janë përplasur në mbledhjen e Këshillit të Imunitetit dhe Mandateve, ku po diskutohet kërkesa e një grupi deputetësh të opozitës lidhur me mandatin e deputetit socialist.

Opozita pretendon se Sinaj është në shkelje të Kushtetutës pasi ka përfituar fonde publike dhe sipas Bardhit, çështja e mandatit të tij duhet t’i kalojë Gjykatës Kushtetuese për shqyrtim.

“Deputeti ka 2 ndalime. Deputetit nuk i lejohet të jetë aksioner aktiv, edhe kur nuk bën transaksione me shtetin në një kompani apo shoqëri tregtare. Këtë detyrim ju e keni përmbushur. I vetmi detyrim që ju nuk keni përmbushur është detyrimi sipas pikës 3. Kushtetuta thotë deputetit nuk i lejohet. Kjo lehtësia me të cilën ju thoni kam marrë vetëm 3 milionë lekë, mjafton që ne ta mbyllim këtë debat. S’keni pse të keni frikë, çështjen ta shqyrtojë Kushtetuesja. Nëse ju mendoni se ne gënjejmë, atëherë le të jetë Gjykata që do të vendosë”, tha Bardhi.

Nga ana tjetër Sinaj u justifikua se është një donator, i cili prej 20 vitesh është marrë me biznes. Ai nuk i ka kyrsyer akuzat ndaj Bardhit, për të cilin tha se ka shantazhuar deputetët e opozitës për t’i marrë firmën për çështjen e mandatit të tij. Ai paralajmëroi gjithashtu se do të përplasjes edhe në mandatin e ardhshëm me Bardhin.

“Për gjithë shqiptarët them se unë kam qenë biznessmen që prej 20 vitesh dhe në politikë kam hyrë në të mirë të vendit tim, sa dhe rrogën time e kam bërë donacion për njerëz në nevojë. Më vjen keq që qenka lodhur zoti Bardhi dhe nuk ka gjetur 100 milionë lekë të miat të dhëna për Buxhetin e Shtetit për tërmetin në Shqipëri.

Ne të dy e dimë shumë mirë, ty as të tutë nuk të besojnë. Nuk të kanë dhënë firmën. i ke shantazhuar, dole në televizor në datën 6 dhe kërkesën e depozitove në datën 8, sepse nuk kishte firmat. Por me shumë gjasa ne do të përplasemi edhe mandatin tjetër bashkë”, tha Sinaj.

LEXONI GJITHASHTU:

• Sherri me grushte në parlament, Vullnet Sinaj paraqitet në SPAK
• Grupi i PD dorëzon në Kuvend mocionin: T’i hiqet mandati deputetit Vullnet Sinaj