Mot i pazakontë në Itali/ Aktivistja: Ja sa të vdekur raportohen

Aktivistja Gerarta Ballo ishte këtë të martë e ftuar në një intervistë për Euronews Albania për të folur rreth situatës të pazakontë në Itali e cila është përfshirë në disa zona nga flakët ndërsa në disa zona të tjera nga përmbytjet.

Ballo tha se nga kjo situatë e jashtëzakonshme deri më tani në vendin fqinj raportohen për tre viktima.

“Ajo që po ndodh është një situatë krejtësisht e pazakontë. Ministri i mbrojtjes civile ka deklaruar se është një nga ditët më të vështira për nga pikëpamja klimatike, është i njëjti që po merr përsipër të deklarojë gjendjen e jashtëzakonshme në disa rajone, për stuhitë në disa vende, e për zjarret në jug të Italisë. Kjo është një situatë totalisht e pazakontë.

Në këtë moment që ne flasim kemi tre të vdekur, një 16-vjeçare vdiq në veri të Italisë. Pasi një pemë ra në tendën e saj në momentin që ajo ishte në kamping.

Në jug, në Kalabri në një nga zonat më të prekura nga zjarret kemi një 90-vjeçar që ka humbur jetën. Po ashtu në Sardenja një punonjës që po punonte të shuante zjarret ka ndërruar jetë nga lodhja e tepërt”,-tha Aktivistja Gerarta Ballo.

LEXONI GJITHASHTU:

• Serbia i mohon vazhdimin e lejes së qëndrimit aktivistit rus kundër luftës
• Republika e Çekisë emëron për herë të parë ambasador në Kosovë