Disa motoristë italianë të cilët udhëtojnë me Vespa në disa vende të ndryshme, aktualisht ndodhen në Pogradec.
Në një intervistë për “Goodmorning Albanians” në Euronews Albania ata treguan se janë në edicionin e 17-të të xhiros së detit, një edicion special i cili vjen për herë të dytë në Shqipëri.
Motoristët thanë se janë të lumtur që udhëtojnë në tokën shqiptare. Liqeni i Ohrit iu është dukur një vend fantastik, ndërsa kanë vlerësuar dhe mikpritjen shqiptare.
“Mjafton të shohësh impresionet në fytyrat e motoçiklistëve për të kuptuar që do të rikthehen përsëri. Tokë e mrekullueshme dhe ushqim i mirë, sigurisht që do të vijmë sërish,” – u shpreh njëri prej tyre.
LEXONI GJITHASHTU: