Mourinjo pranë rikthimit në Bernabeu, portugezi do të zëvendësojë Ancelottin

Prej kohësh Real i Madridit është në kërkim të trajnerit që do zëvendësojë Carlo Ancelottin, me italianin që siç dihet do të jetë pjesë e Selesao nga viti 2024.

Dëshira e presidentit Fiorentino Perez është Xabi Alonso, por në përgjigjen dhënë klubit, ish-mesfushori ka pohuar se nuk është gati për të drejtuar një skuadër të atij niveli.

Në këtë pikë, emri më i përfolur për të drejtuar Los Blancos është ai i Jose Mourinhos. Portugezi e njeh mjaft mirë skuadrën, për më tepër e ka drejtuar për 3 sezone pas largimit të tij nga Interi, madje duke fituar La Ligan në sezonin 2011-2012.

Kontrata e 60-vjeçarit me Romën përfundon në fund të sezonit, që do të korrespondonte në mënyrë të saktë me largimin e Ancelottit nga galaktikët dhe emërimin e portugezit.

Edhe pse Roma po kalon një formë jo shumë të mirë në Serie A, sërish drejtuesit e klubit kanë besim të plotë tek trajneri i tyre, por me gjasa nuk do të ketë rinovim nga ana e trajnerit.

Një rikthim i Mourinhos në Madrid, do të ishte i dyti në karrierën e tij, pasi diçka të tillë e ka bërë tek Chelsea, ekip të cilin e drejtoi në dy periudha të ndryshme. Kujtojmë se karrierën si trajner, the special one e nisi në vitin 2000 në vendlindje, ndërsa padyshim arritja më e madhe është fitimi i Ligës së Kampionëve, me Interin e Porton.

LEXONI GJITHASHTU:

• Fituesit e Maratonës së Tiranës, me shumë se 4000 pjesëmarrës nga 40 vende të botës
• Basha në Dibër: Për 2 vjet PD s’ishte në krye të detyrës, sot jemi zëri i qytetarëve