“Mund të punësohet”- Avokati i Tahirit zbulon kufizimet e të drejtat e ish-ministrit

Avokati i Sajmir Tahirit, Dritan Jahaj, zbuloi nga studio e emisionit Revieë në Euroneës Albania kufizimet dhe të drejtat që i lejohen ish-ministrit të bëjë gjatë kohësh që ai do të vuajë dënimin e mbetur në banesë.

Avokati tha se Tahiri mund të lëvizë nga banesa për të realizuar të gjitha ato nevoja të cilat lidhen me kujdesin e fëmijëve, problemet shëndetësore, por dhe për arsimimin e tyre.

Gjithashtu sipas avokatit Tahiri mund të punësohet gjatë kësaj kohe nëse do t’i nevojitet, por edhe të vazhdojë studime të caktuara. Ai theksoi se çdo lëvizje e Tahirit duhet të dakordësohet nga shërbimi i provës dhe lejen e gjykatës.

“Tani ligji ka përcaktuar rastet kur i jep mundësinë në kushte të tilla për të realizuar të gjitha ato nevoja që kanë të bëjnë me kujdesin e fëmijëve, për probleme shëndetësore dhe për arsimimin e tyre. Por ka dhe të drejtën për nevoja të arsimimit, të vazhdimit të studimeve apo dhe të punësimit, por gjithmonë duke u realizuar kjo mënyrë me shërbimin e provës. Pastaj vendos prapë gjykata. Në rastin e punësimit, nëse Saimir Tahiri për nevoja familjare do të kërkoj punë, do t’i adresohet shërbimit të provës dhe pastaj vendos gjykata nëse i lejohet. Pra vendimet merren me dakordësinë e shërbimit të provës dhe me lejen e gjykatës”, tha avokati.

LEXO GJITHASHTU:

• A do ta shpallë të pafajshëm Gjykata e Lartë? Avokati i Tahirit: Pse jemi optimistë
• Avokati: Gjykata s’na besoi, dokumentet tona u bënë akt ekspertimi ligjor
• “Tahiri u burgos kot dhe doli po kot”, Eugen Beci shpjegon arsyen