Murinjo synon rikthimin e Ronaldos në Evropë, mesazhi që i ka dërguar futbollistit

Mediat turke shkruajnë se trajneri i Fenerbahçes, José Mourinjo, po synon një lëvizje të guximshme për të përforcuar skuadrën e tij gjatë afatit kalimtar të janarit. Burime nga “Fotomac” thonë se Mourinho ka kontaktuar yllin portugez, Cristiano Ronaldo, për të parë nëse ai do të ishte i interesuar për një rikthim në futbollin evropian, duke lënë mënjanë mosmarrëveshjet që ata patën gjatë kohës kur ishin të dy në Real Madrid.

Mourinjo thuhet se e pyeti Ronaldon nëse ishte i lumtur në klubin e tij aktual dhe nëse kishte dëshirë të largohej, duke i ofruar mundësinë për të ardhur te Fenerbahçe.

“A je i lumtur atje? Po flitet se doni të largoheni. Nëse po, a do të dëshironit të vini në Fenerbahçe?”- raportohet t’i ketë shkruar Ronaldo.

Megjithatë, transferimi duket i vështirë duke pasur parasysh pagën e jashtëzakonshme të Ronaldos, e cila kalon 220 milionë euro në vit. Kjo e bën një marrëveshje të tillë thuajse të pamundur për klubin turk.

Pavarësisht kësaj, përpjekja e Mourinjos për të tërhequr një lojtar të kalibrit të Ronaldos tregon ambicien e tij për ta kthyer Fenerbahçen në një skuadër konkurruese në nivelin evropian, duke përfituar nga reputacioni i tij për të tërhequr lojtarë të klasit botëror.