“Na ngacmonte motrën!”- ‘Zbërthehen’ vëllezërit që vranë 33-vjeçarin në Shkodër

Vrasja e 33-vjeçarit Ramazan Mataj në fshatin Dragoç të Shkodrës është zbardhur duke bërë të mundur arrestimin nga policia e dy vëllezërve, Arjon dhe Klisman Hasaj si autorë të dyshuar të krimit.

Sipas dinamikës së zbardhur plotësisht nga Policia e Shkodrës, dyshohet se Arjon Hasaj, përmes aplikacionit facebook ka hapur një profil të rremë dhe ka komunikuar me 33-vjeçarin, Ramazan Mataj për t’i bërë pritë në një zonë të largët të Dragoçit, më pas për të vijuar me ekzekutimin e tij duke e qëlluar.

Sipas uniformave blu, Arjoni e ka kryer krimin i ndihmuar dhe nga vëllai i tij Klisman Hasaj.

Gazetari i Euronews Albania, Teodor Gjerga ka raportuar se nga njoftimet e policise, pasi autori është marrë në pyetje, Arjon Hasaj ka deklaruar se e ka vrarë ai 33-vjeçarin pasi prej shumë kohësh i ka ngacmuar motrën e tij.

“Për 6 vite ka qenë përndjekja që 33-vjeçari Mataj i ka bërë motrës së autorit Hasaj”, tha gazetari.

Përmes përgjimeve në banesë, Policia e Shkodrës ka gjetur dhe armën e krimit të cilën autori e kishte groposur në oborr.

Këtë të premte u dha dhe masa e sigurisë “arrest me burg” ndaj dy vëllezërve, të cilët “kyçën gojën” përpara togave të zeza dhe nuk dhanë asnjë deklarim.

LEXONI GJITHASHTU:

• Vranë 33-vjeçarin se u ngacmonte motrën, gjykata lë në burg vëllezërit në Shkodër
• Arrestohet 56-vjeçari në Shkodër, qarkullonte i armatosur