Nata e Bardhë “ndez” kryeqytetin, qytetarët të entuziazmuar për performancat

Gazetarja e Euronews Albania, Enilda Miftari raportoi nga sheshi “Skënderbej”, aty ku sot, më 29 nëntor, do të mbahet koncerti në kuadër të Natës së Bardhë, organizuar nga bashkia.

Shumë këngëtarë, nga më të njohurit e më të preferuarit për publikun, do të ngjiten në skenë për të performuar e për të argëtuar gjithë qytetarët që do të mblidhen për t’i ndjekur.

Një nga zonjat e intervistuara tregoi se këngëtari i saj i preferuar ishte Luiz Ejlli dhe kishte ardhur për të ndjekur vetëm atë.

“Sonte kam ardhur vetëm për Luiz Ejllin. Jam nga Tirana, kam ardhur vetëm për të. Të gjitha këngët e Luizit më pëlqejnë. Më pëlqen edhe Noizy, edhe këngëtarët e tjerë, por për Luizin kam ardhur. Deri në fund, sa të mbarojë Luizi aq do rri dhe unë. Kemi dalë dhe herë të tjera, por jo në shesh. Meqë rastisëm, erdhëm edhe këtu,” – u shpreh zonja.

LEXONI GJITHASHTU:

• 29 Nëntori në Shkodër, reagon ish-kryebashkiaku Bardh Spahia
• Festimet për 29 Nëntorin, përkujtohen të rënët në luftë në Durrës