“NATO faktor stabilizues”, ish-zyrtari: Pse serbët e Veriut duhet të jenë mirënjohës

Jamie Shea, ish-zëdhënës i NATO-s gjatë luftës në Kosovë tha një intervistë për Euronews Albania se serbët e Veriut duhet të jenë po aq mirënjohës ndaj NATO-s sa edhe shqiptarët, pasi forcat e saj po kujdesen edhe për mirëqenien e shtetasve serbë.

Shea u shpreh se pas krizave të njëpasnjëshme, që nga çështja e targave dhe deri te zgjedhjet për kryekomunarë, të dyja palët duhet të përqendrohen në shtensionimin e situatës.

“Në Veri pas trazirave për targat dhe protestat për zgjedhjet duhet një periudhë qetësie, ndaj komuniteti ndërkombëtar i ka ftuar të dyja palët që të qetësojnë situatën. Kur kalon nga kriza në krizë në raste të tilla nuk ke mundësi për hapa përpara, duhet një kohë qetësie. Diçka pozitive me NATO—n është se mund ta rrisë apo ta ulë praninë në Veri. NATO është e përkushtuar që nga ‘99 dhe ky është misioni më i gjatë me qëllim që të ruhet paqja në Kosovë”, tha ish-zyrtari i NATO-s.

LEXONI GJITHASHTU:

• Asociacioni, ish-zyrtari i NATO-s: Jo Republikë Srpska 2 në Kosovë
• Ish-përfaqësuesi i BE në Kosovë: Kurti të dalë me një iniciativë të vetën për Veriun