“Në kat të dytë ka një laborator që…”- Gazetari tregon nëse kanë dalë video nga SPAK

Gazetari Eni Ferhati tha në një intervistë për Euronews Albania se është shumë e vështirë që videoja që u pretendua se kishte dalë nga një telefoni i një personi që është nën hetim nga SPAK, të ketë dalë nga zyrat e Prokurorisë së Posaçme.

Ai tha se e gjithë kjo mund të jetë bërë edhe për të ulur, apo për të zvogëluar rëndësinë e punës së SPAK-ut.

Gjithashtu ai tregoi kur gazetarët shkojnë në SPAK për takimet me kryeprokurorin Dumani, në kat të dytë ku është laboratori digjital, atyre nuk u lejohet as të kthejnë kokën, por shoqërohen nga rojet.

“Ky mund të ishte një informacion për të hedhur poshtë punën e SPAK-ut,  shiko me çfarë merret Prokuroria e Posaçme, e godet në atë formë që besoj se krijon goxha impakt.

U pretendua se kjo video doli nga SPAK-u aty në kat të dytë ka një laborator digjital të SPAK-ut që ne nuk kemi arritur ta shikojmë se si është.  Ne kur futemi, rojet na thonë mbajeni kokën drejt. Ndaj duhet të jemi serioz e të kemi kujdes nga etja për klikime apo për të qenë në qendër të vëmendjes se edhe mund të përdoren nga gazetarë të ndryshëm”,-tha Eni Ferhati.

Ndërkohë Klodiana Lala shtoi:

“As derën nuk e shohim, se na shoqëron garda. Pastaj nuk mund të hidhet çdo gjë në publik, ajo jo vetëm gazetari që nuk është, por edhe duhet hetuar”,- tha Klodiana Lala.

Kujtojmë se gjatë fundiavës u aludua se një video gjysmë-erotike e një moderatoreje të njohur kishte dalë nga Prokuroria e Posaçme.

LEXONI GJITHASHTU:

• Basha takime në Laprakë: Mbështesim biznesin, krijojmë alternativë të re ekonomike
• Basha takime në Laprakë: Mbështesim biznesin, krijojmë alternativë të re ekonomike