“Ne s’jemi nisur për karrige”, Basha nga Durrësi: E nisëm për listat e hapura

Kryetari i Partisë Demokratike, Lulzim Basha, është shprehur se ai dhe PD nuk po punojnë për karrige të pushtetit, por për interesa të shqiptarëve.

Komentet Basha i bëri gjatë një takimi për Kuvendin Zgjedhor të PD-së në Durrës, nga ku iu përgjigj propozimit të Gazment Bardhit për një vend në mekanizmin e reformave.

Basha tha se PD po punon për të realizuar disa mekanizma që sipas tij e bëjnë procesin zgjedhor më transparent, siç janë listat e hapura, votimi elektronik, vota e diasporës dhe propozimi për ‘Shqipëria një zonë zgjedhore’.

Pjesë nga fjala e Bashës:

Edhe ata pak që kanë mbetur dhe që se kuptonim se cilat janë motivet e vërteta të atyre që për interes personal u përpoqën ta thyenin në dysh Partinë Demokratike, duke i bërë dhuratën më të mirë pushtetit të korruptuar ilegjitim të Edi Ramës. Po sot ku janë? Me përqafimin të Edi Ramës me shokë. E kanë nisur si pazar dhe duan ta vazhdojnë si pazar.

Shikoni çfarë thonë sot, “ejani ju se kemi dhe një karrige për ju”. Ne se kemi nisur këtë për karrige. Se kemi nisur për karrige, s’ishte kjo punë për karrige. Enkelejd Alibeaj nuk ishte aty për karrigen e tij. As i kisha thënë unë rri për karrige. Ishin listat e hapura, ishte për votimin elektronik, ishte për votën e diasporës, ishte për Shqipëria një zonë. S’duam karrigen, ne duam të drejtat e shqiptarëve, ne duam që pazari 34 vjeçar i fëlliqtë, trashëgimnia më e pisët e Ramiz Alisë, trashgimtarit të fundit komunist të marrë fund. Sepse është ky Pazar që rëndon pronarët dhe të përndjekurit, sipërmarrësit dhe profesionistët, fermerët dhe arsimtarët, rininë shqiptare. S’na duhen karriget. Thojini shqiptarëve sot, ku qëndroni në raport me listat e hapura? Jeni për lista të hapura, po apo jo, votoni për listat e hapura, votimin elektronik, Shqipëria një zonë, votën e diasporës, s’na duhen karriget.

Këtë betejë nuk e nisëm për karrige, por janë kaq të obsesuar me karrigen, e kanë ngjitur kaq shumë kokën, barkun pas karrigeve sa u është bërë mendja karrige. Dhe mendojnë se pasi bënë pazarin me Edi Ramën, mund të kthehen tek ne e të na thonë: keni dhe ju një karrige. Ju plaçin sytë, se kuptoni që kemi 2 vite e gjysmë që e bëjmë për shqiptarët jo për karrige? Dhe të bësh betejë për shqiptarët nuk është e lehtë në një vend që ka 34 vite kastë politike që bëjnë betejë për veten e vet me metodat dhe mënyrat më të pista.

LEXONI GJITHASHTU:

• Basha: Listat e hapura s’i kërkojmë për vete, por për shqiptarët
• Basha mbledh tryezën e dialogut, Topi: Marrëveshja e 2008 rrënoi themelet e shtetit