Nëna e vajzës me autizëm: Kam paguar deri 200 mijë lekë shtesë në kopshtin shtetëror

Fatma Spahiu, drejtore ekzekutive e Qendrës Shqiptare Për Integrimin e Njerëzve me Nevoja të Veçanta, ishte këtë të  enjte në “Good Morning Albanians” për të folur rreth eksperiencës së saj si nënë e një fëmije që i përket spektrit autik.

ajo tha se për vajzën e saj, kur ajo ishte ende e vogël, ka paguar një shumë ekstra në kopsht, që shkonte 15-20 mijë lekë të reja, ndërsa  theksoi se me kalimin e viteve këto çmime që prindërit duhet të paguajnë janë rritu edhe më shumë.

“Unë nuk është se kam paguar shumë, në fillimet e mia në kopsht shtetëror. Shifrat mund të kenë qenë 15-20 mijë lekë të reja në muaj, kjo në varësi edhe të kostos së qëndrimit. Tashmë është rritur kuota dhe mund të shkojë deri në 40 mijë lekë të reja në muaj.

Është e dhimbshme, se paga minimale është 400 mijë lekë. Një prind nuk punon pasi i duhet të kujdeset për fëmijën. Unë kudo ku më jepet mundësia e ngre si shqetësim, se paguhet në kopsht shtetëror njësoj si në kopsht privat”,-tha Fatma Spahiu.

LEXONI GJITHASHTU:

• Vijon dhunimi i fëmijëve, edukatorja në kopshtin publik keqtrajton 5-vjeçarin autik
• 1 në 36 fëmijë me spektër autik, po shtohen rastet nga përdorimi i teknologjisë