Nëna shtatzënë pësoi goditje në tru, mjeku tregon si ia shpëtuan jetën të dyve

Neurokirurgu Artid Lame ka treguar rastin sesi një grua shtatzanë u shpëtua pasi pësoi goditje në tru.

Në emisionin “Good Morning Albanians” në Euronews Albania, Lame tha se falë bashkëpunimit të mjekëve, u arrit që me kirurgji të shpëtohej jeta e nënës dhe fëmijës.

“Jo më larg se dy javë, falë këtij bashkëpunimi shumë të mirë mes neurologëve, neurokirurgëve, mjekëve të urgjencës e radiologëve, ne kemi arritur me kirurgji të shpëtojmë një vajzë 34-vjeçare, që ishte 4 muajshe shtatzanë.

Falë një ndërhyrjeje shumë të shpejtë, të mirëkoordinuar, kemi shpëtuar jetën e nënës dhe të fëmijës. Kishte një hematomë intracelebrale, ishte shkaktuar nga një keqformim i enëve të gjakut”, theksoi ai.

LEXONI GJITHASHTU

• “Turbullim, mpirje e gjymtyrëve”, si ta kuptoni që dikush pëson goditje në tru
• Sëmundjet cerebrale zënë vendin e parë në botë për shtrimet në spitale
• 1 në 7 të rritur në Shqipëri vuajnë nga sëmundjet kronike të veshkave