Nënkryetari i Partisë së Lirisë: Metën duan ta eliminojnë si Berishën, sulm poklitik

Nënkryetari Partisë së Lirisë, Agim Nesho, ishte i ftuar këtë të enjte në emisionin “Now me Erla Mëhillin”, ku komentoi hetimet e fundit të SPAK ndaj eksponentëve të lartë politik.

Duke u ndalur tek thirrja në SPAK e Ilir Metës, Nesho nënvizoi se ka një plan për ta eliminuar atë politikisht së bashku me Berishën.

Ai nënvizoi se hetimet e drejtësisë, janë goditje politike pas të cilave fshihet kryeministri Rama.

“SPAK-u mund të bëjë çdo gjë, por problemi është se çfarë roli ka SPAK-u dhe a është kjo një drejtësi që ne e kërkojmë në Shqipëri?! Duket që deri tani nuk e justifikon besimin, dhe kjo jo se përpiqet të godasë me urdhër politik të dy liderët e opozitës.

Ky është një projekt i Ramës, i cili nuk e ka fshehur, e ka thënë në çdo konferencë partie, dhe në Kongresin e para zgjedhjeve të 2021. Pikësynimet e tij nuk ishin as për t’i dhënë një program investimesh popullit, as të riste pensionet, e as të nxirrte 45% të popullësisë nga skamja dhe nga uria, por kishte që duhen eleminuar si Berisha ashtu edhe Meta”,-tha Agim Nesho.

LEXONI GJITHASHTU:

• Çani propozon skenarë dhune në parlament: Sali Berisha duhet të bëhet si Albin Kurti
• Bllokohen dhjetëra pako me miell dhe oriz në Durrës, ishin me insekte