Historiani Neritan Ceka, një nga themeluesit e PD, tregoi në Euronews Albania përjetimet nga protesta e studentëve që çoi më tej në ndryshimin e sistemeve në Shqipëri.
Ceka u shpreh se ajo që ndodhi me studentët në dhjetor ishte e papritur, pasi siç tha pas ambasadave u duk sikur lëvizja ishte shuar.
Ai ndau edhe një mesazh që i kishin dhënë studentët e tij pasi e kishin ftuat të bashkohej me ta.
“Ishte e papritur ajo që ndodhi në dhjetor. Gjëja e parë që thoshim ishte që u vra frika, asnjëherë nuk kam pasur frikë. Isha pedagog i tyre dhe erdhën dhe më kërkuar t’u bashkohem. U thashë: më duhen dhe ca muaj të mbaroj studimin për ca qeramika të Belshit. Ata më thanë: ato poçe të vjetra kanë 2 mijë vjet që presin, do presin edhe 2 muaj, hajde dhe bashkohuni me ne. dhe vërtetë Instituti i Arkeologjisë u bë qendra ku u shtyp programi i parë i PD”, tregoi Ceka.
LEXONI GJITHASHTU: