Nexhmedin Spahiu: Serbia mbetet shumë nacionaliste dhe pro ruse

Profesori i Shkencave Politike në Kosovë, Nexhmedin Spahiu thotë se Serbia mbetet një shtet shumë nacionalist dhe pro Rusisë.

Në emisionin “Balkan Talks” në Euronews Albania, Spahiu u shpreh se duhet një goditje e fuqishme nga jashtë, në mënyrë që të ndryshohet ky kurs në Serbi.

“Serbia, për të ndryshuar kurs, do të nevojitet një goditje nga jashtë, goxha e fuqishme për ta bërë këtë. Asgjë nuk ka ndryshuar në Serbi pas gjithë asaj çfarë ka ndodhur në këto vitet e fundit.

Po të shkosh në Beograd dhe të përmendësh Srebrenicën, nuk është se njerëzit do të ulin kokën. Nuk i bën përshtypje që janë vrarë 8 mijë njerëz të pafajshëm. Kjo tregon që nuk ka ndryshuar asgjë në kursin nacionalist të Serbisë”, theksoi ai.

LEXONI GJITHASHTU

• Escobar: Të nisë menjëherë puna për formimin e Asosacionit
• Escobar: Kosova ka garanci shumë të forta sigurie nga SHBA-ja
• Barrikadat në veri, NATO dhe BE: Kosova dhe Serbia të ulin tensionet përmes dialogut