Nga Armët te Kodi Zgjedhor e Dezinformimi, Çuçi bën bilancin e sesionit parlamentar
Kreu i Grupit Parlamentar të Partisë Socialiste, Bledi Çuçi, është shprehur se mazhoranca po përgatit një paketë që pritet të miratohet në Parlament, për të ‘rilindur’ sipas tij industrinë e armatimit.
Komentet Çuçi i bëri gjatë një mbledhjeje ku prezantoi bilancin e punës së sesionit parlamentar që po mbyllet.
Çuçi tha se në situatën gjeopolitike ku ndodhet bota sot, është e rëndësishme ‘rilindja’ e industrisë së armatimit.
Ai foli gjithashtu edhe për Komisionin e Dezinformimit, për të cilin tha se është i rëndësishëm me qëllim parandalimin e tentativave për minimin e demokracisë nga vendet jo-mike të Shqipërisë.
Sipas Çuçit, me rëndësi është edhe ndryshimi në ligjin për zonat e mbrojtura, i cili sipas tij, ndihmon në mirëmenaxhimin e tyre.
Çuçi foli edhe për kodin zgjedhor, për të cilin tha se po rishikohet dhe po diskutohet formula e përllogaritjes së mandateve.
“Po punohet ende për rishikimin e kodit zgjedhor. Po diskutohet formula e llogaritjes se mandateve.
Çdo tentativë që vjen nga vendet jomike me qëllim dezinfomimin në vendin tonë, ky komision është i rëndësishëm. Dezinformimi nuk është një fenomen i ri. Por sot ka një vëmendje të posaçme sepse bëhet me një qëllim të caktuar sepse lidhet me minimin e vlerave demokratike. Ne duhet të shohim ku kemi boshllëqe ligjore apo rregullatore lidhur me këtë çështje, që institucionet e rëndësisë kombëtare të mos preken nga kjo çështje.
Do të marrim edhe hapa në vijimësi me qëllim që këto minime të vlerave të mos ndikojnë në institucionet tona. Ka pasur disa ligje që kanë pasur mendësi të veçantë. Do veçoja një ndryshim në ligjin për zonat e mbrojtura.
E rëndësishme është edhe paketa që do miratohet për rilindjen e industrisë së armatimit. Jemi të gjithë koshientë se në situatën gjeopolitike ku ndodhet sot Europa është një domosdoshmëri. Ka kërkesë në tregun e brendshëm, por edhe të jashtëm. Ne kemi menduar që ta rilindim këtë industri”, tha Çuçi.
LEXONI GJITHASHTU:
“Opozitë e krimit”! Protestuesit nga selia e PS-së shkojnë para selisë së PD-së
Rama për median ndërkombëtare: Shqipëria nën sulm nga armiqtë dhe në luftë hibride
Dita e katër e protestës kundër projektit në Zvërnec, përplasje mes policisë dhe protestuesve
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta