Ngjela: Basha kthehet nëse ia kërkon politika që ka përkrahur, PD fillon nga e para

Avokati Spartak Ngjela foli në lidhje me rikthimin e Lulzim Bashës në krye të PD-së, pasi ky i fundit zhvilloi një takim ditën e djeshme me të rinjtë.

Në një intervistë për Euronews Albania, ai theksoi se kthimi i Bashës realizohet vetëm nëse ia kanë kërkuar partnerët amerikanë.

Më tej Ngjela nënvizoi se Basha u largua sepse pranoi politikën amerikane se nuk mund të kishte në grupin parlamentar të PD-së, njerëz të shpallur ‘non grata’ në SHBA.

“Nëse do kthehet, do kthehet te PD ligjore, pra te ajo e Bardhit. Problemi qëndron këtu, dalja e tij dje është vetëm një rast. Nëse kemi dy raste ose më shumë konceptohet se ai do të kthehet në politikë. Basha u largua sepse pranoi politikën amerikane se ‘non grata’ nuk mund të jetë anëtari i Grupit Parlamentar të PD-së. PD nuk ka ende kryetar partie. Saliu s’ka parti ka tur popullor. Nëse do kthehet, kthehet sepse ia ka kërkuar politika që e ka përkrahur.  Nëse nuk është vetëm një rast i daljes së Basha, e sigurt që ky i fundit do të kandidojë për kryetar i PD në Kongresin e ardhshëm që do të zhvillohet. Nëse rikthehet Basha, PD do të ndërtohet nga e para. Falimenti i Berishës nxori Bashën.”- tha ai.

LEXONI GJITHASHTU: 

• Manja thirrje Berishës: Dëgjo zërat e jashtëm e reflekto, votoni pro pagave
• “Hupe Sali, hupe!” Spiropali- Berishës: Udhëhoqe partinë drejt humbjes turpëruese