Nikollë Lesi sqaron foton me Alimehmetin, zbulon diskutimet me kandidatin e Tiranës

I ftuar në emisionin Now me Erla Muhillin, botuesi Nikollë Lesi sqaroi foton me Alimehmetin.

Sipas tij, fotoja e tij me Alimehmetin nuk ishte e këtyre ditëve, por ishte një foto kur ai ishte kandidat në Tiranë.

“Më shkon mendja kush e ka nxjerr. Kam muhabet siç kam me të gjithë, më kërkoi në takim dhe fola me të siç di të flas unë dhe i thashë kujdes: “kujdes nga të tut se do ta fusin”, pra ky ka qenë thelbi, këshilla. Ndërkohë aty kam parë një sms të një drejtuesi jo i pa rëndësishëm i PD-së ku i thotë: “Jo doktorin e vogël”, se kështu quhet ky doktor i vogël, dhe këtu u mundova t’i them: kujdes i nderuar doktor nga të tut se përballë ti e fiton, dhe ai mori 18 mijë vota, nuk mori pak.

Pra, kjo foto nuk është e këtyre ditëve, se unë do e kisha veshur një xhaketë sepse jam pak si hollë”, u shpreh ai.

LEXONI GJITHASHTU:

• “Shifrat tuaja në mospërputhje me të PD-së”, gazetari vë në siklet Alimehmetin
• Alimehmeti dhe 2 kandidatë të PD ankimojnë 11 majin, kërkojnë rinumërim të votave