Nis në Berat edicioni 3 i Festivalit Mbarëkombëtar të Teatrit për Fëmijë

Nis sot në Berat edicioni i 3-të i Festivalit Mbarëkombëtar të Teatrit për Fëmijë dhe do të vijojë deri në 24 qershor.

Do të jenë plot 8 qytete pjesëmarrëse: Shkodra, Lezha, Kuksi, Gjirokastra, Vlora, Elbasani, Dimali dhe Berati, të cilët do të zbukurojnë qytetin e “një mbi një dritareve” duke shkëmbyer kulturën dhe traditën e qyteteve nëpërmjet fëmijëve dhe duke pasur mundësinë të aktrojnë përballë jurisë prestigjoze me aktoret e nderuar Rudina Nallbani, Dori Caushi, Anila Bisha dhe Besnik Bisha.

Dy qytete në ditë do të kenë mundësinë të japin shfaqjet e tyre të fëmijëve të talentuar në aktrim përballë jurisë, e cila në datën 24 qershor do të ndajë çmimet e fituesve.

Tashme është kthyer në një festival i cili ka rezultuar i suksesshëm dhe ka bërë bashkë disa qytete të Shqipërisë në Berat.

LEXONI GJITHASHTU:

• Përfaqësuesi ligjor i BF: Shkeljet e bëra në 80% të qendrave në Kamëz dhe Elbasan
• Qëlloi me armë në ajër pas konfliktit me të riun në Berat, arrestohet 55-vjeçari