Nis operacioni i tretë për evakuimet në Mariupol

Kombet e Bashkuara dhe Komiteti Ndërkombëtar i Kryqit të Kuq kanë nisur një operacion të tretë për evakuimin e civilëve nga qyteti port i Mariupolit dhe  fabrika e çelikut Azovstal.

Deklarata u bë nga Sekretari i Përgjithshëm i OKB-së Antonio Guterres, raporton BBC.

Ai tha se 500 civilë janë shpëtuar dhe e kanë marrë veten pas jetesës nën granatimet ruse pa ujë dhe ushqim.

“Të evakuuarit kanë ndarë histori prekëse me stafin e OKB-së. Nënat, fëmijët dhe gjyshërit kanë folur për traumën e tyre. Disa kishin nevojë urgjente për kujdes mjekësor. Shpresoj se koordinimi i vazhdueshëm me Moskën dhe Kievin do të çojë në më shumë korridore humanitare për t’u lejuar qytetarëve një kalim të sigurt,” – tha Guterres.

LEXONI GJITHASHTU:

• Rusia zotohet të lehtësojë korridoret humanitare për evakuimin e civilëve