Gazetari Osman Stafa ka nisur një fushatë për t’u ardhur në ndihmë personave me aftësi të kufizuara fizike të cilëve u duhet një protezë apo një karrocë me rrota.

Fushata nuk ka nevojë për lekë, për kohë apo për një përkushtim të madh, mjafton që tapat plastik të shisheve të mos i hidhni, por t’i grumbulloni pasi ato mund të riciklohen e prej tyre të prodhohen proteza e karroca me rrota.

I ftuar në “Good Morning Albanians” Osman Stafa ka treguar më tepër rreth kësaj iniciative.

“Jam frymëzuar nga një rast që një zonjë më dërgoi në Turqi ku zhvillohej diçka e tillë. Nuk kisha informacion që diçka e tillë ishte zhvilluar më herët në Shqipëri, por kam mësuar se nga këto detajet e vogla, këto tapat ne mund t’i mbledhim nga shishet që harxhojmë në përditshmëri.

Është më tepër e lidhur me dëshirën dhe vullnetin për të bërë mirë. Tapat janë lënda e parë që shërben për ricikluesit, unë kam kontaktuar me disa riciklues dhe njëri më tha se nëse është për bamirësi, ai do i marrë gati me dyfishin e çmimit, ndaj kush ka dëshirë, pasi kjo fushatë ka nevojë për shumë njerëz, mund t’i bashkohet nismës”,-tha gazetari Osman Stafa në Euronews Albania.

LEXONI GJITHASHTU:

• “10 mijë lekë ‘shitet’ diploma online”, pedagogia: Më pyeti studenti ku ta blej
• Digjen tre makina në Vlorë, dyshohet për zjarrvënie të qëllimshme