‘Nuk e vrau varka, por shteti’, protestë për vdekjen e 7-vjeçares në Himarë

Shoqëria civile ka bërë thirrje për protestë para Ministrisë së Brendshme ditën e nesërme, 4 gusht, ndërsa theksojnë se do të kërkojnë dorëheqjen e ministrit të Brendshëm Bledi Çuçi, Drejtorit të Përgjithshëm të Policisë së Shtetit Gledis Nanos dhe ministres Kumbaro.

Thirrjes për protestë i është bashkuar edhe Partia e Lirisë.

“Tek Kryeministria pas ngjarjes makabre te kryer nga një punonjës me detyra te larta në Policinë e Shtetit, i cili vrau me skaf një vajzë 7 vjeçe në breg të detit. Të kërkojmë dhe tregojme se kush është përgjegjësi dhe të kërkojmë në dritën e qirinjve, me një buqetë lulesh, me një mesazh në një cope letër, pak dinjitet per veten, se e pafajshmja u largua”, thuhet në një njoftim të PL.

Ngjarja e rëndë ndodhi mesditën e së martës në plazhin e Potamit në Himarë, ku një fëmijë e mitur u përplas për vdekje teksa ishte në breg, nga një skaf i cili drejtohej nga shtetasi Arjan Tase.

Ai mbante detyrën Shef Seksioni i Policimit në Komunitet në Komisariatin e Policisë Elbasan dhe pas kësaj ngjarjeje, është përjashtuar nga Drejtori i Përgjithshëm i Policisë së Shtetit, Gledis Nano.

Dyshohet se Arjan Tase humbi kontrollin e mjetit lundrues dhe përplasi për vdekjen fëmijën në bregun e detit.

LEXONI GJITHASHTU:

• Skafi vret fëmijën në Himarë, 5 zhvillimet kryesore