“Nuk kemi para, s’e kuptoj pse e rrëmbyen babin”, flet vajza e viktimës në RMV

Policia e Maqedonisë së Veriut njoftoi se trupi i pajetë i Vanja Gjorçevska i cili u zhduk më 27 nëntor, është gjetur në afërsi të Shkupit. Bashkë me 14-vjeçaren u gjet dhe trupi i Pançe Zhezhovski, 74-vjeçar, gjithashtu i zhdukur më herët. Historia e tyre është e njëjtë. Të dy u rrëmbyen pasi autorët e krimit tentuan të merrnin para nga familjet.

Vajza e viktimës ka folur për mediat në Maqedoninë e Veriut duke thënë se nuk e kupton arsyen e rrëmbimit, pasi ata nuk janë të pasur, ndërsa theksoi se me 14-vjeçaren e vrarë nuk njihen, por autorët e krimeve janë të njëjtët, informacion ky që konfirmohet dhe nga prokuroria.

“Ne nuk e kemi njohur vajzën personalisht. Unë tashmë nuk di asgjë pasi tashmë jam në stacion policor, dhe e di vetëm një gjë, se babai im ka vdekur dhe është varrosur. Arsyen e dëgjuar nga policia: shfrytëzim për para nuk e kuptoj aspak pasi babai im asnjëherë nuk ka qenë i pasur,” – ka deklaruar vajza e 74-vjeçarit, raporton Fokus.

LEXONI GJITHASHTU:

• E zhdukur prej një jave, gjendet e pajetë 14-vjeçarja në RMV
• Vendosja e kryqit në Tetovë, politikani shqiptar në RMV akuzon shërbimet sekrete